«Aqtóbe» sý qoımasy jóndelip jatyr

<p>AQTÓBE. KAZINFORM &ndash; &laquo;Aqtóbe&raquo; sý qoımasynda qaıta jańǵyrtý jumysy júrgizilip jatyr. Jumys jeltoqsan aıynda aıaqtalady.&nbsp;</p>

«Aqtóbe» sý qoımasynda beton jaryqtary men oıyqtary qaıta jańǵyrtylady. Sonymen birge sý ótkizý qurylǵysyn ashyp-jabýǵa arnalǵan krannyń elektr jabdyqtary aýystyrylady. Qozǵaltqyshy, symy túgel jańarýy tıis.

– «Aqtóbe» sý qoımasy 1988 jyly salynǵan. Sol kezden beri jóndi kúrdeli jóndeý jumysy júrgizilmedi. Bıylǵy jóndeý jumysy kezeń-kezeńge bólingen. Aýa raıyna qaraı yńǵaıly etip jospar quryldy. Munda barlyǵy 5 shlıýz bar. Bireýin ashyp-jabýǵa 20 mınýttaı ýaqyt ketedi. Bıyl ekeýi jóndeledi. Naqtyraq aıtqanda jan-jaǵyndaǵy rezeńkesi aýystyrylyp, tómengi bóligindegi beton qurylǵysy jańarady, - dedi «Aqtóbe» sý qoımasynyń basshysy Elibaı Іzmahanov.

Sonymen birge sý qoımasy qorshalyp, dabyl júıesi qondyrylady. Sonymen birge jaryqtandyrylyp, 20-dan astam beınekamera ornatylady. 

– Strategııalyq nysan bolǵan soń syrttan bógde adam kirmeýi kerek. Ony bizdiń kúzet qyzmeti qarap, qadaǵalap otyr. Sý qoımasynda 5 adam jumys isteıdi. Olar kran júrgizýshisi, retteýshi men kútip ustaýdy moınyna alǵan jumysshylar, - dedi Elibaı Іzmahanov.

Aıta keteıik, «Aqtóbe» sý qoımasy qala mańynda ornalasqan. Syıymdylyǵy – 245 mln tekshe metr. Qazir munda 150 mln tekshe metr sý bar. Ázirge sekýndyna 25 tekshe metr sý jiberilip jatyr. 

Eske salsaq, bıyl kóktemgi sý tasqyny kezinde «Aqtóbe» sý qoımasy tolyp, shlıýz ashyldy. 28 naýryz kúni Aqtóbe qalasynda tótenshe jaǵdaı jarııalandy.