«Aqtóbe» sý qoımasy nege sarqylyp qaldy

<p>AQTÓBE. KAZINFORM &ndash; &laquo;Aqtóbe&raquo; sý qoımasyndaǵy jańǵyrtý jumystary kezinde sýdyń basym bóligi ózenge jiberildi. Qoımada sýdyń besten bir bóligi ǵana qaldy.</p>

«Aqtóbe» sý qoımasyn qaıta jańǵyrtý jumysy kezindegi 245 mln tekshe metr bolatyn sýdyń tek 50 mln tekshe metrin saqtap, jumys júrgizý josparlanǵan. Qazirgi kezde sý qoımasyndaǵy sýdyń basym bóligi ózenge jiberildi. 

- Jobalyq-smetalyq qujat daıyndaǵan kezde sý men ondaǵy tirshilik kóziniń bári eskerildi. Balyqtyń joıylyp ketý qaýpi joq dep esepteımiz. Sý deńgeıi shlıýzdyń tómengi bóligindegi beton tireýge jetkende ózi toqtap, sol qoımada saqtalady. Negizi kóktemgi tasqyn kezinde sý jibergende de balyq ótip ketedi. Bul qalypty. Jóndeýge qajetti qujat 2023 jyly jasaldy. Biz aldaǵy kóktemde sý qoımasy qaıta tolady dep josparlap otyrmyz,- dedi Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy basshysynyń orynbasary Jomart Baqytkeldi.

Al «Qarǵaly» sý qoımasyna qajetti jóndeý 2025-2026 jyldarǵa engizilgen. Tapsyrys berýshi – QR Sý resýrstary jáne ırrıgatsııa mınıstrligi. 

Aıta keteıik, Aqtóbe oblysy aýmaǵynda 206 gıdrotehnıkalyq qurylǵy bar. Onyń 10-y respýblıkalyq, 174-i kommýnaldyq, 22-i jeke menshikte. Gıdrotehnıkalyq qurylǵylar 612 mln tekshe metrge jýyq sýdy saqtaı alady. 

- Alǵa aýdanyndaǵy Sholaq bógeti, Mártók aýdanyndaǵy Qarataýsaı aýylyndaǵy Mártók bógetinde jóndeý jumysy aıaqtalyp qaldy. Tasqynnan keıingi tekserý jumystarynan soń barlyǵy 24 ýchaskede qorǵanys bógetteri salynady dep sheshim shyqty. Qazir qurylys júrip jatyr. Sonymen birge 2025-2027 jyldarǵa arnalǵan kópfaktorly zertteý de qajet. QR Sý resýrstary jáne ırrıgatsııa mınıstrligimen birge 17 gıdrotehnıkalyq qurylǵy zertteledi,- dedi Jomart Baqytkeldi.

Eske salsaq, bıyl tamyzda «Aqtóbe» sý qoımasynda jóndele bastaldy.