Aqtóbe sharýalary shubatty tegin taratty
15:10, 25 Naýryz 2018
AQTÓBE. QazAqparat -Aqtóbe qalasynda «Shubat Party» sharasy ótti. Túıe saıyp, shubat ashytyp otyrǵandar ulttyq sýsyndy tegin taratty, dep habarlaıdy QazAqparat tilshisi.
«Naýryz merekesi aıasynda saýda - oıyn-saýyq kesheninde oblystyń shubat óndirýshiler men belsendi jastardyń uıymdastyrýymen «Shubat Party» sharasy ótkizildi. Shara barysynda oblys aýdandarynyń shubat óndirýshileri óz ónimderin turǵyndarǵa tegin usyndy. Jastar barlyǵy 100 lıtr shubatty saýda kesheniniń qonaqtaryna taratty»,- dep habarlady oblys ákiminiń baspasóz qyzmeti.
Aıta ketsek, Naýryz merekesi kúnderi aqtóbelikterge ulttyq taǵamdardy tegin taratyldy. Tuńǵysh Prezıdent atyndaǵy saıabaq pen birneshe mekeme janyndaǵy qurylǵan kıiz úıde baýyrsaq pen Naýryz kóje tegin úlestirildi. Tipti, 850 metrlik dastarqan jaıyldy.