Aqtóbe «sary» aımaqqa kirip, óńirde karantın sharalary kúsheıtildi
Aqtóbe oblysy boıynsha shekteý sharasy kúsheıtilip, oblystyń bas sanıtar dárigeriniń qaýlysy túsindirilip jatyr.
Jańa qaýlyǵa sáıkes konferentsııa, kórme, forým ótkizilmeıdi, oıyn-saýyq, sondaı-aq adamdar kóp jınalatyn otbasylyq, saltanatty, merekelik korporatıvterdi, estelik jáne basqa da is-sharalardy uıymdastyrýǵa tyıym salynǵan.
Úı ishinde as berýge bolmaıdy.
Sondaı-aq oıyn-saýyq mekemeleri (karaoke, bılıard, kompıýterlik klýbtar, túngi jáne oıyn klýbtary, boýlıng ortalyqtary), balalardyń oıyn alańdary jáne attraktsıondar, býkmekerlik keńselerdiń jáne loto-klýbtardyń qyzmetine shekteý qoıylǵan.
Aqtóbe oblysy boıynsha ótken táýlikte 39 adamnan koronavırýs ınfektsııasy anyqtaldy. Onyń 10-y derttiń sımptomsyz túrine shaldyqqan.
«Jalpy aqpan aıynda oblysta 313 adamnan koronavırýs ınfektsııasy anyqtaldy. Al naýryz aıynda 468 jaǵdaı tirkelip otyr», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
Balabaqshada tek kezekshi toptar jumys isteıdi. Sonymen birge jeksenbi kúni saýnalar jabyq bolady.
«Balalardyń túzetý kabınetterinde, balalar men eresekterdiń bilim berý ortalyqtarynda adam sany 15-ten aspaýy tıis. Bank, halyqqa qyzmet kórsetý ortalyqtary, poshta bólimshesiniń jumys ýaqyty saǵat 09.00-den 18.00-ge deıin jalǵasady. Dinı obektilerde ujymdyq is-sharalar ótkizilmeıdi. Qoǵamdyq tamaqtaný ornynda adam sany 50-den aspaýy tıis. Olarda jumys jáne demalys kúnderi saǵat 07.00 – 00.00 aralyǵynda jumys isteýge ruqsat berilgen. Teatr, kınoteatr, kontserttik zal syıymdylyǵynyń 20 paıyzyna ǵana kórermen kirgiziledi. Sporttyq is-sharalarda kórermen bolmaıdy», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.