Aqtóbe prokýrorlary áleýmettik ortalyqta balalardy uryp-soǵý deregin tirkedi

AQTÓBE. QazAqparat - Aqtóbe qalalyq prokýratýrasyna №1 áleýmettik qyzmet kórsetý ortalyǵyndaǵy qyzmetkerlerdiń balalardy uryp-soqqany týraly habar tústi. Tekserý kezinde derek rastaldy, dep habarlaıdy QazAqparat tilshisi.

Aqtóbe qalalyq prokýratýrasy taratqan málimetke súıensek, habarlama túsken soń prokýrorlar qorǵanshylyq jáne qamqorshylyq organy, Aqtóbe oblysy boıynsha jumyspen qamtýdy úılestirý basqarmasy ókilderi, polıtsııa jáne medıtsına qyzmetkerlerin ertip, tekserý júrgizdi.

«Beınebaqylaý kameralarynyń jazbalaryn zerdeleý arqyly № 1 áleýmettik qyzmet kórsetý ortalyǵynyń qyzmetkerleriniń balalardy uryp-soǵý faktisi anyqtaldy. Osy fakti boıynsha Aqtóbe qalasynyń prokýratýrasy qylmystyq is qozǵap, tergeý úshin Aqtóbe qalasynyń polıtsııa basqarmasyna joldady»,- dep jazylǵan habarlamada.

Eske salsaq, Aqtóbeniń Shalqar qalasynda 2 jasar sábı ájethana shuńqyryna túsip ketip, mert boldy.

Aqtóbe oblystyq PD baspasóz qyzmetiniń jetekshisi Erbolat Sarqulovtyń aıtýynsha, sol kúni anasy ózge balasyn alyp, oblys ortalyǵyna ketken. Al ákesi jumysta bolǵan.

Úıindegi týystarynyń balasy ájethanaǵa baryp, qatty jel turǵanda esigi jabylmaı, sábı qulaǵan. Balany shuńqyrdan týysy alyp shyǵyp, dárigerlerge júgindi.

Ony keıin sanavıatsııa qyzmetimen qalaǵa jetkizdi. Biraq bala birneshe kúnnen soń kóz jumdy.

Onyń ata-anasyna qatysty Qylmystyq kodekstiń «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baby boıynsha is qozǵaldy.