Aqtóbe prokýratýrasy 29 myń jumysshynyń quqyǵyn qorǵady

AQTÓBE. QazAqparat - Aqtóbe oblystyq prokýratýrasy bıyl 29 myńnan astam adamnyń konstıtýtsııalyq jáne eńbek quqyǵyn qorǵady, dep habarlaıdy QazAqparat tilshisi.

Bıyl prokýratýra jumysshylaryna eńbekaqy tólemegen iri kásiporyndardy anyqtady. 29 myńnan astam azamattyń konstıtýtsııalyq jáne eńbek quqyǵy qorǵalyp, 193 mln teńge zalal óteldi.
«Muǵaljar aýdandyq prokýratýrasy «Kóktas« AQ-nyń 100-den astam jumysshysynyń quqyǵyn qorǵady. Nátıjesinde 10 mln teńge somasyndaǵy bereshek óteldi. Taǵy bir mysal, Aqtóbe qalasy Astana aýdanynyń prokýratýrasy monıtorıng jasap, «Aqtobe Su Energy Group» AQ-nyń jalaqy boıynsha qaryzyn anyqtady. Bereshek somasy 184 mln teńgeden asqan. Engizilgen qadaǵalaý aktilerin qaraý nátıjeleri boıynsha qyzmetkerlerdiń quqyǵyy qorǵalyp, jalaqy tólendi», - dep habarlady oblystyq prokýratýranyń baspasóz qyzmeti.