Aqtóbe prokýratýrasy 200-den astam kásipkerdiń quqyǵyn qorǵady

AQTÓBE. QazAqparat - Aqtóbe qalasy Astana aýdanynyń prokýratýrasy jergilikti monopolıstiń zańsyz isin áshkereledi, dep habarlaıdy QazAqparat tilshisi.

Káriz júıesine qosylǵan bıznes sýbektisiniń ıesi arnaıy kommýnaldyq mekememen arada kelisimshartqa turýǵa mindetti. Osy qyzmetti usynǵan «Aqtobe su-energy group» AQ 200-den astam kásipkerden bekitilgen tarıfke sáıkes (1 tekshe metr úshin 310,73 teńge) zańsyz tólem alyp otyrǵan.
«Mysaly, bir kásipker jyl ishinde 49 828 tekshe metr las sýdy káriz júıesine aǵyzsa, shyǵyny 15 mln teńgeden asady. Іs júzinde kásipkerler qazylǵan shuńqyrlardy paıdalanyp, qaldyq sýyn ózdiginen shyǵarǵan. Osylaısha monopolıske negizsiz aqsha aýdaryp, qosymsha shyǵyndy ózi tóledi. Qadaǵalaý aktisi boıynsha negizsiz jasalǵan kelisimshart buzyldy. Óńirde kásipker quqyǵyn qorǵaý baǵytyndaǵy jumys jalǵasady»,- dep habarlady oblystyq prokýratýranyń baspasóz qyzmeti.
Sonymen qatar prokýratýrada kásipkerlerdiń quqyqtaryn qorǵaý jónindegi monıtorıngtik top jumys isteıtinin eske salady. Quqyqtary buzylǵan nemese bızneske kedergi keltirilgen jaǵdaıda 90-14-55 nemese 8778-319-87-61, 8 778 366 70 44 nómirleri boıynsha habarlasýǵa bolady.