Aqtóbe polıtsııasy joǵalǵan maldy dronmen izdeýge kiristi

AQTÓBE. QazAqparat – Aqtóbede joǵalǵan maldy izdeý kezinde ushqyshsyz ushý apparaty qoldanyldy, dep habarlaıdy QazAqparat tilshisi.

Aqtóbe oblysy, Qobda aýdandyq polıtsııa bóliminiń qyzmetkerleri jergilikti atqarýshy organdarmen birge ushqyshsyz ushý apparatynyń kómegimen reıd ótkizdi. Olar baqtashysy joq, qaraýsyz júrgen maldy anyqtady. Ákimshilik quqyq buzýshylyq kodeksiniń «Aýyl sharýashylyǵy janýarlaryn jaıý qaǵıdalaryn buzý týraly» baby boıynsha 167 ákimshilik hattama toltyryldy.

«Arnaıy ushqyshsyz ushý apparaty polıtsııa jumysyn jeńildetti. Ásirese, joǵalǵan maldy izdeý kezinde kómegi mol. Reseımen shekaralas Qobda aýdanynyń aýmaǵynda bir úıir jylqy shekaradan ótip ketip, birden shara qoldanyldy. Bul tájirıbeni aldaǵy ýaqytta da iske asyratyn bolamyz», - dep habarlady oblystyq PD baspasóz qyzmeti.