Aqtóbe polıtseıleri esirtki salynǵan túıinshikter men olardy jasyrǵan kúdiktilerdi ustady
Aqtóbe oblystyq Polıtsııa departameni Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharasyn ótkizý kezinde eki deldaldy ustady. 28 jastaǵy eki er adam jáne 22 jastaǵy áıel qolǵa tústi. Olardan kók tústi untaq zaty bar 26 túıirshek tabylyp, tárkilendi.
«Ustalǵandardyń aıtýynsha, olar áp sátte 10 esirtki túıirshigin jasyryp úlgergen. Keıin sony polıtsııa qyzmetkerlerine kórsetti. Sondaı-aq, kúdiktilerdiń ınternet-dúkender arqyly esirtki zattaryn ótkizýmen aınalysqany anyqtaldy. Áıeldiń ózi de tutynǵan. Atalǵan fakti boıynsha QR QK 297-baby 4-bóligimen sotqa deıingi tergep-tekserý bastaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aqtóbe oblystyq Polıtsııa departamenti 2021 jyldyń 11 qańtarynan bastap esirtki zatyn nasıhattaıtyn jáne satatyn ınternet-saıttarǵa siltemeler taratqany úshin qylmystyq jaýapkershilik belgilengenin eske salady. Kinási dáleldense úsh jylǵa deıingi merzimge bas bostandyǵynan aıyrylýy múmkin