«Aqtóbe-Oral» tasjolyna ortasha jóndeý júrgizilip jatyr

AQTÓBE. QazAqparat – «Samara–Shymkent» tasjolynyń Aqtóbe men Oral qalasyn jalǵaıtyn bóligine ortasha deńgeıde jóndeý jasalyp, jumys bıyl shildede aıaqtalady. Jóndeý jumystary týraly «Jol Alǵa sıstems» JShS-niń bas ınjeneri Sergeı Avramenko aıtyp berdi, dep habarlaıdy QazAqparat tilshisi.

«Samara – Shymkent tasjoly boıyndaǵy Aqtóbe men Oral arasyn jalǵaıtyn joldy jóndeýge 1 197 840 teńge qarjy bólindi. Tasjoldyń jalpy uzyndyǵy 34 shaqyrymdy quraıdy. Jóndeý jumystaryn ótken jyly qazanda bastadyq. Kún sýyǵansha 15 shaqyrym joldy jóndep úlgerdik. Bıyl mamyrda jóndeý jumysyn qaıta bastadyq. ıAǵnı, endi 19 shaqyrym joldy jóndep jatyrmyz», - dedi «Jol Alǵa sıstems» JShS-niń bas ınjeneri Sergeı Avramenko BAQ ókilderine arnalǵan baspasóz týry barysynda.

Spıker bergen derekke sáıkes, jol boıyndaǵy jóndeý jumysy shildede bitpek.

«Atalǵan tasjol bóligi 2012 jyly paıdalanýǵa berilgen. Araǵa 10 jyl salyp qaıta jóndeýden ótip jatyr. Qazir 25 maman 15 tehnıkanyń kómegimen eńbektenip jatyr. Jumys kestege saı júrýde», - deıdi ol.

Aıta keteıik, «QazAvtoJol» ulttyq kompanııasynyń uıymdastyrýymen «Aqtóbe – Oral – Atyraý» baǵytyndaǵy respýblıkalyq mańyzy bar joldardaǵy istelip jatqan jumys boıynsha BAQ ókilderine arnalǵan týr ótip jatyr.