Aqtóbe oblysyndaǵy Shalqar kóliniń tabany tazalanady - Maǵzum Myrzaǵalıev

AQTÓBA. QazAqparat – Aqtóbe oblysyndaǵy Shalqar kóliniń tabany tazalanady. QR Ekologııa, geologııa jáne tabıǵı resýrstar mınıstri Maǵzum Myrzaǵalıev Twitter-degi paraqshasynda osylaı jazdy, dep habarlaıdy QazAqparat.

«Aqtóbe oblysyndaǵy Shalqar kólinde jaǵdaı qıyn. Sońǵy jyldary sý arnasy tartylyp, túbi keptelip qalǵan. Bul klımattyq jaǵdaılarǵa baılanysty, sebebi Muǵaljar taýlarynda jaýyn-shashyn az túsýde, qysta qar az.

Biz bıyl kóldiń tabanyn tazalaý jobasyn bastaımyz. Qajetti qarjy bólinip jatyr. Shara kóldegi sýdyń sapasyn, gıdromıhııalyq quramyn jaqsartýǵa, Shalqar qalasyn sharýashylyq-turmystyq sýmen qamtamasyz etýge múmkindik beredi», - dedi Maǵzum Myrzaǵalıev.

Mınıstrdiń aıtýynsha, óńirge arnaıy komıssııa barǵan.

«Aımaqqa komıssııa baryp, qar qorynyń qalyńdyǵy sońǵy 10 jylda orta eseppen 34 mm-di quraǵanyn anyqtady. Bul ortasha kópjyldyq kórsetkishten 20 mm-ge az. Al qar qory ózender men kólderdi negizgi sýmen qamtamasyz etedi», - dedi ol.