Aqtóbe oblysyndaǵy órtten 8 adamdy qutqardy

AQTÓBE. QazAqparat - 25 sáýirde saǵat 18.00-de 112 pýltine Aqtóbe oblysy Temir aýdanynyń Shubarqudyq kentinde eki qabatty turǵyn úıde órt shyqqany týraly habarlama túsken, dep habarlaıdy QazAqparat.

Oqıǵa ornyna kelgen qutqarýshylardyń jedel áreketiniń nátıjesinde kórshiles páterden 8 adam, onyń ishinde 1 bala qutqaryldy.

TJM málimetinshe, órtti sóndirýge jeke quramnan 5 qutqarýshy men órt sóndirý tehnıkasy jumyldyryldy. Zardap shekkender joq.

«Órt saǵat 18:28-da sóndirildi. Jalyn sharpyǵan alań 20 sharshy metrdi qurady. Órttiń shyǵý sebebi - úı ıeleri maısham jaǵyp, qaraýsyz qaldyrǵan», - dep jazdy mınıstrlikten.