Aqtóbe oblysyndaǵy Qarǵaly sý qoımasynda balyq qyryldy

AQTÓBE. QazAqparat – Aqtóbe oblysyndaǵy eń iri sý qoımasynda balyq qyryldy. Qazir ınspektorlar sebebin anyqtaýǵa kiristi, dep habarlaıdy QazAqparat tilshisi.

Qarǵaly sý qoımasyndaǵy balyqtyń qyrylýy áleýmettik jeli arqyly tarap ketti . Qazir ınspektorlar anyqtaý jumystaryna kiristi.

«31 mamyr kúni ınspektsııa mamandary men Qarǵaly aýdandyq polıtsııa bóliminiń qyzmetkerleri, Qarǵaly sý qoımasynyń jumysshylary aýmaqty aralady. Qyrylǵan taban balyǵy men sýdan synama alynyp, oblystyq veterınarııa jáne ekologııa departameniniń zerthanasyna tapsyryldy. Sý móldir, jaǵymsyz ıis joq. Balyqtan da jaǵymsyz belgi baıqalmady», - dedi oblystyq orman sharýashylyǵy jáne janýalar dúnıesi aýmaqtyq ınspektsııasynyń bólim basshysy Nurbolat Dúısenov.

Onyń sózine sensek, kelesi aptada synama qorytyndysy belgili bolady. Bul sý qoımasynda mundaı jaǵdaı birinshi ret tirkelip otyr.