Aqtóbe oblysynda júk kóligi men jeńil avto soqtyǵysyp, 4 ózbekstandyq qaıtys boldy
19:11, 04 Naýryz 2023
AQTÓBE. QazAqparat – Aqtóbe oblysynda júk kóligi men jeńil avto soqtyǵysyp, 4 sheteldik qaıtys boldy, dep habarlaıdy QazAqparat polisia.kz telegram kanalyna silteme jasap.
«4 naýryz kúni Soltústik aınalma jolda KamAZ júk kóligi men Cobalt jeńil avtokóligi soqtyǵysqan. Jeńil avtokóliktiń júrgizýshisi men úsh jolaýshysy – barlyǵy Ózbekstan Respýblıkasynyń azamattary oqıǵa ornynda kóz jumdy. Sotqa deıingi tergeý bastaldy jáne oqıǵanyń mán-jaıy anyqtalyp jatyr», - delingen habarlamada.