Aqtóbe oblysynda jol apatynan shetel azamattary qaza tapty

ASTANA. QazAqparat - Aqtóbe oblysynda jol apatynan shetel azamattary qaza tapty, dep habarlaıdy polisia.kz.

21 maýsym kúni saǵat 8:15 shamasynda Aqtóbe oblysynyń Qobda aýyly mańynda Samara-Shymkent avtojolynyń 631 shaqyrymynda sheteldikterdiń qatysýymen jol-kólik oqıǵasy boldy.
Hyundai Starex avtokóliginiń júrgizýshisi, Tájikstan Respýblıkasynyń azamaty róldi basqara almaı, avtokólikti aýdaryp alǵan. Saldarynan eki jolaýshy, onyń ishinde 15 jastaǵy kámeletke tolmaǵan qyz bala oqıǵa ornynda qaıtys boldy jáne 6 adam Qobda aýdanynyń aýrýhanasyna túrli jaraqattarmen jetkizilip, onda 2 adam, onyń ishinde 1 kámeletke tolmaǵan bala qaıtys boldy.

Aldyn ala boljam boıynsha, avtokólik júrgizýshisi kólik quralyn sharshańqy kúıde basqarǵan.