Aqtóbe oblysynda jol apattarynan bıyl 74 adam kóz jumdy
Bıyl óńirde 374 jol-kólik oqıǵasy tirkeldi. Saldarynan 74 adam kóz jumsa, onyń 10-y – kámelet jasqa tolmaǵan balalar. Túrli jaraqat alǵandar sany 500-den asady.
«Jaıaý júrginshilerdi qaǵyp ketý, sondaı-aq kólik quraldarynyń soqtyǵysýy jáne aýdarylýy júrgizýshilerdiń manevr jasaý erejelerin buzýdan, qozǵalystyń qarsy jolaǵyna shyǵyp ketýden bolady.
Aqtóbe qalasynda birneshe qaýipti aımaq bar. Máselen Nokın dańǵylynda jyldamdyq rejımin asyrǵany úshin barlyǵy 8 júrgizýshi jaýapqa tartyldy, onyń 13-i jaıaý júrginshilerdi qaǵyp ketti.
Oblys boıynsha 34 adam qylmystyq jaýapqa tartyldy. Olarǵa qatysty 6 aıdan 5 jylǵa deıingi merzimge bas bostandyǵynan aıyrýǵa úkim shyǵaryldy jáne jazasyn óteý úshin bas bostandyǵynan aıyrý oryndaryna jiberildi», - dedi oblys prokýrorynyń kómekshisi Órken Eşanov.
Mysaly, bıyl Samara-Shymkent tasjolynda «Honda Fit» markaly avtokólik júrgizýshisi qarsy jolaqqa shyǵyp ketip, «LADA rsoyl5i» kóligimen soqtyǵysqan. Saldarynan ekinshi kóliktiń júrgizýshisi men 4 jolaýshy, onyń ishinde kámeletke tolmaǵan bala mert boldy. Osy fakti boıynsha «Honda Fit» júrgizýshisi Qylmystyq kodekstiń 345-baby 4-bóligimen 5 jylǵa bas bostandyǵynan aıyryldy.