Aqtóbe oblysynda JEO jylý qazandyqtary qaıta tekseriledi

AQTÓBE. QazAqparat – Aqtóbe oblysynda qazirgi kezde jylý qazandyqtary shtattyq rejımde jumys istep tur. Alaıda tótenshe jaǵdaıdyń aldyn alý úshin taǵy da tekserý júrgizilmek, dep habarlaıdy QazAqparat tilshisi.

Aqtóbe qalasyndaǵy Jylý elektr ortalyǵyna taıaýda jańa qondyrǵy ornatyldy. Bul elektr qýatyn óndirýge múmkindik beretin joba. Qazirgi kezde oblys boıynsha jylý talapqa saı berilip otyr. Oblys ákimi Eraly Toǵjanov qaýipsizdik úshin qazandyqtardy taǵy bir ret tekserýge tapsyrma berdi.

«Qazirgi kúni óńirde jylytý maýsymy shtattyq rejımde ótip jatyr. Kómirdiń qajetti qory jetkilikti. Bıýdjettik uıymdar 33 myń tonna kómirmen tolyq kólemde qamtamasyz etildi. Ortalyqtandyrylǵan jylytý júıesine qosylǵan barlyq áleýmettik nysandar men úılerge jylý úzdiksiz berilip otyr.

Oblys ákimi Eraly Toǵjanov tótenshe jaǵdaılardyń aldyn alý maqsatynda kommýnaldyq kásiporyndardyń – «Aqtóbe JEO» AQ, «Aqtobe Su Energy» AQ, «Energojúıe» JShS jáne oblystyń barlyq eldi mekenderindegi qazandyqtardyń jumysyn qaıta tekserýdi tapsyrdy. Bul másele – óńir basshysynyń jeke baqylaýynda», - dedi oblys ákiminiń baspasóz qyzmetinen.