Aqtóbe oblysynda úıde gaz ballony jarylyp, er adam men áıel aýrýhanaǵa jetkizildi
Búgin Aqtóbe oblysy Qarǵaly aýdany Petropavl aýyly Gagarın kóshesindegi jeke turǵyn úıde gaz ballony jaryldy. Habar 112 qutqarý qyzmetine tústi. Oqıǵa ornyna 2 qutqarýshy men tehnıka jiberilgen.
«Oqıǵa ornyna qutqarýshylar barǵan kezde jeke turǵyn úıde 5 lıtrlik gaz ballonynyń, gaz-aýa qospasynyń jarylǵany anyqtaldy. Úıdiń qabyrǵalary búlinip, órt shyqqan. Qutqarýshylar jetkenshe kórshileri órtti sóndirip úlgergen. Gaz ballonynyń jarylý sebebi belgili. Salqyn jerden jyly orynǵa kirgizgen kezde gaz qospasynyń qysymy kúsheıgen», - dep habarlady oblystyq TJD baspasóz qyzmeti.
Aıta keteıik, jarylys saldarynan 71 jastaǵy er kisi men 95 jastaǵy qarııa oblystyq kópsalaly aýrýhanaǵa jetkizildi.
Gaz ballondy paıdalanýdyń óz erejesi bar. Gaz ballonyn arnaıy oryndarda ǵana toltyrý kerek. Sonymen birge sýyq jerden jyly ǵımarat ishine kirgizgen kezde jylý kózderine jaqyn qoımaǵan durys. Úıde gazdyń ıisi shyqsa gaz berý kranyn jabý, bólme ishin jeldetý kerek.
Eske salsaq, taıaýda Aqtóbeniń Alǵa aýdany Marjanbulaq aýylynda gaz jaryldy. Oqıǵa ornyna 2 tehnıka men TJD eki qyzmetshisi bardy. Jarylys saldarynan tórt adam zardap shekti, olar oblystyq kópbeıindi aýrýhananyń travmatologııa bólimine jetkizildi.