Aqtóbe oblysynda tártipsizdikti uıymdastyryp, búlikke shaqyrǵan 11 kúdikti ustaldy
23:58, 08 Qańtar 2022
AQTÓBE. QazAqparat – Aqtóbe oblysynda jappaı tártipsizdikti uıymdastyrdy jáne iritki saldy degen kúdikpen 11 adam ustaldy, dep habarlaıdy QazAqparat.
«Ótken túni komendanttyq saǵat tártibin buzǵan 367 adam polıtsııaǵa jetkizildi. Sonymen qatar tártipsizdikterdi uıymdastyrǵan jáne iritki salǵan 11 kúdikti ustaldy. Qazirgi ýaqytta olardyń ekeýine qatysty QR Qylmystyq kodeksiniń 272-baby 1 –bóligine, ıaǵnı «Jappaı tirtipsizdikti uıymdastyrý» baby boıynsha qylmystyq is qozǵaldy. Kúdiktiler qamaýǵa alyndy. Qalǵandarynyń is-áreketine zańdy baǵa berilýde.
Oblys turǵyndarynan tynyshtyq saqtap, dúrbeleńge salynbaı, arańdatýshylyqqa ermeýdi suraımyz», - dedi Aqtóbe oblysynyń komendanty Qanat Álıev.
Aqtóbe qalasy men oblys aýmaǵynda quqyqtyq tártipti baqylaý júmysy jalǵasyp jatyr.
Buǵan deıin habarlaǵanymyzdaı, Aqtóbe oblysynda suıytylǵan gaz baǵasy 50-55 teńge boldy.