Aqtóbe oblysynda sý kirgen Qobda aýylynda jumystar jalǵasyp jatyr
«Aqtóbe oblysynda turǵyn úıler men aýla aýmaqtarynan sý sorý jumystary jalǵasyp jatyr. Ótken táýlikte 70500 tekshe metr erigen qar sýy soryldy.
Qazirgi tańda Qobda aýdanynyń Qobda aýylyna jumyldyrylǵan kúshter men quraldar 13 turǵyn úıden sý sorý jumystaryn júrgizýde. Buǵan deıin kóshirilgen 12 adam ýaqytsha evakýatsııalaý pýnktterinde, 79 adam týystarynyń úılerine ornalastyryldy. 365 adam óz úılerine oraldy. Buǵan deıin qaýipsiz jerge aıdalǵan aýylsharýashylyq janýarlary qoraǵa qaıtaryldy.
Jaǵdaı turaqty baqylaýda», - delingen Aqtóbe oblysy Tótenshe jaǵdaılar departamentiniń baspasóz qyzmeti usynǵan málimette.
Aqparatqa sáıkes, qazir óńirde sý tasqynyna qarsy oblystyq shtab táýlik boıy jumys istep jatyr. «Jedel jeli» telefony jumys isteıdi, oǵan búginge deıin aqparattyq sıpattaǵy 135 qońyraý tústi.
Aıta keteıik, 14-23 naýryz aralyǵynda Aqtóbe oblysynda 598 786 tekshe metr erigen qar sýy soryldy, qum salynǵan 29 333 dana qapshyq tóseldi. 1 ýchaskede sý burýǵa arnalǵan transheıalar qazyldy, uzyndyǵy 3600 m jaǵalaýdy nyǵaıtý jumystary júrgizildi, 15 286 tekshe metr ınertti materıal jetkizildi, sondaı-aq uzyndyǵy 325 metr ýaqytsha bógen salyndy. Qobda ózenine uzyndyǵy 1000 metr sý burý kanaly salyndy. 593 550 myń tekshe metr qar shyǵaryldy.
Eske salaıyq, Aqtóbe oblysynda erigen qar sýy birneshe eldi mekendi ábigerge salǵan bolatyn. Atap aıtqanda, 17 naýryzda Oıyl ózeni tasyp, Qaratal aýylyna sý kirdi, turǵyndar evakýatsııalandy. Úılerge sý kirdi. Óńirge Tótenshe jaǵdaılar mınıstri ıÝrıı Ilın bardy. 21 naýryzda komıssııa Oıyl aýdanynda sý tasqyny kezinde keltirilgen zalaldy baǵalaýǵa kiristi.
22 naýryzda Qobda aýdanynda sý tasqynynan zardap shekkender úshin salynatyn úılerdiń alǵashqy qazyǵy qaǵyldy. Qobda aýylynda 78 úı, 22 aýla aýmaǵy erigen qar sýynyń astynda qalǵan bolatyn. Zalaldy baǵalaý jónindegi komıssııanyń aldyn ala málimetterine sáıkes, 7 úı qalpyna keltirilmeıdi, 4 úıdiń qabyrǵalary qulaǵan, olar apatty dep tanyldy, 13 úı sýda tur.