Aqtóbe oblysynda Stýdenttik lıga quryldy
«Memleket basshysy «Qazaqstandyqtardyń əl-aýqatynyń ósýi: tabys pen ómir súrý sapasynyń artýy» atty Joldaýynda sport ǵımarattaryn, əsirese olardy oqý oryndarynda tıimdi paıdalaný boıynsha bizdiń aldymyzǵa mindetter qoıdy. Prezıdenttiń tapsyrmasyn oryndaý maqsatynda 12 qazan men 9 qarasha aralyǵynda «Stýdenttik lıga» ótkiziledi. Jarys Marat Ospanov atyndaǵy BQMMÝ-niń bazasynda ótedi»,-dedi Nurlan Kúntýov.
Onyń aıtýynsha, «Stýdenttik lıga» aımaq arasynda JOO-nyń yntymaqtastyǵyn nyǵaıtý, jastar arasynda salaýatty ómir saltyn nasıhattaý, sonymen qatar olardy uıymshyldyqqa, komandalyq qarym-qatynasqa tartý jəne jastardyń sporttyq-buqaralyq oıyndarǵa degen qyzyǵýshylyqtaryn arttyrý, sondaı-aq quqyq buzýshylyqtyń aldyn alý maqsatynda ótkiziledi.
Jarys shahmat, ústel tennısi, toǵyzqumalaq, voleıbol jəne basketbol sekildi sporttyń bes túrinen ótetin bolady. Oǵan JOO-nan 200 stýdent qatysady.
Aıta keteıik, Aqtóbede 24 myń stýdent oqıtyn 6 joǵary oqý orny bar.