Aqtóbe oblysynda sıyr eki basty buzaý týdy
Aqtóbe oblysy Yrǵyz aýdanyndaǵy eki basty buzaýdy osy aýdannyń týmasy Nurbolat Týysbaıuly áleýmettik jelige saldy.
«Balalyq shaǵym ótken aýylda eki basty buzaý dúnıege kelipti. Aqtóbe oblysy, Yrǵyz aýdany, Nura sovhozy. Klastastarymnyń chatynan uqqanym, aýyl halqynda úreı bar sııaqty. Ekologııanyń belgisi me eken?..», - dep alańdaýshylyq bildirdi ol.
Nura aýylyndaǵy buzaý ıesi qandaı da bir aqparat berýge qarsy. Al mal dárigeri baýyzdap tastaýǵa keńes bergen.
«Bul 2-3 kúndikte boldy. Sıyr 10 naýryz kúni túnde týǵan. Mal ıesi ony 11 naýryz kúni tańda kórdi. Sıyrdyń ony qalaı týǵany bárimizge túsiniksiz bolyp tur. Iesi sol kúni maǵan messendjer arqyly jiberip, jaǵdaıdy habarlady. Ózim sol kezde aýdanda jıynda edim. Baýyzdap tastaýǵa keńes berdim. Óıtkeni buzaý basyn kótere almaǵan. Buzaýdy baýyzdaǵan soń kómip tastady. Zertteýdiń qajeti joq», - deıdi Nura aýyldyq okrýgi veterınarlyq pýnkt meńgerýshisi Ámir Ótegen.
Eske salsaq, 2019 jyly Aqtóbeniń Áıteke bı aýdany Komsomol aýylynda sıyr ekibasty buzaý týǵan edi. Ol kezde mal ıesi týystyq býdandastyrý bolǵanyn aıtqan.