Aqtóbe oblysynda sharýa qojalyǵyna bólingen 11 mln 840 myń teńge nesıe ıesine jetpegen

NUR-SULTAN. QazAqparat - QR Qarjy mınıstrligi Qarjy monıtorıngi komıtetiniń Aqtóbe oblysy boıynsha ekonomıkalyq tergeý departamenti Muǵaljar aýdany aýyldyq okrýgi ákiminiń alaıaqtyq is-áreketine qatysty qylmystyq isti aıaqtady, dep habarlaıdy QazAqparat.

Jedel-izdestirý sharalarynyń nátıjesinde, «Agrarlyq nesıelik korporatsııa» AQ Aqtóbedegi fılıaly «Qulan» baǵdarlamasy boıynsha sharýashylyq qojalyǵynyń ıesine 40 bas jylqy satyp alý úshin jalpy somasy 11 840 000 teńgeni quraıtyn nesıe bergeni jáne bólingen nesıe sharýa qojalyǵynyń ıesine jetpegendigi anyqtaldy.

«Aqtóbe oblysy Muǵaljar aýdandyq sotynyń úkimimen, aýyldyq okrýgtiń ákimi, QR QK-niń 190-baby 4-b. sáıkes (asa iri kólemde alaıaqtyq) jalǵan qujattar men túbirtekterdi paıdalaný arqyly kórsetilgen qarajatty óz qajetine jumsaǵany úshin kináli dep tanylyp, 5 jyl merzimge bas bostandyǵynan aıyryldy»,-delingen QR Qarjy mınıstrligi Qarjy monıtorıngi komıtetiniń baspasóz qyzmetiniń málimetinde.