Aqtóbe oblysynda medıtsınalyq saraptama bóliminiń basshysy múgedekterden para alyp ustaldy

ASTANA. QazAqparat – Bul týraly QR Sybaılas jemqorlyqqa qarsy is-qımyl agenttiginiń baspasóz qyzmetinen málim boldy, dep habarlaıdy QazAqparat.

Baspasóz qyzmetiniń málimetterine qaraǵanda, Aqtóbe oblysy boıynsha Sybaılas jemqorlyqpen kúres qyzmet QR Eńbek jáne halyqty áleýmettik qorǵaý mınıstrliginiń Aqtóbe oblysy boıynsha Eńbek jáne halyqty áleýmettik qorǵaý Komıteti departamentiniń № 4 medıtsınalyq-áleýmettik saraptama bóliminiń basshysyna qatysty qylmystyq isti tergeýde.

Ol medıtsınalyq-áleýmettik saraptamadan ótý kezinde múgedekterden múgedektik merzimin belgileý jáne uzartý úshin birneshe ret jalpy somasy 1 200 000 teńge para aldy degen kúdikke ilindi.

Tergeý soty kúdiktini «elektrondyq bilezikti» qoldaný arqyly «úıqamaq» túrindegi bultartpaý sharasyna sanktsııalady.

«Tergeý jalǵasýda. Tergeý múddesi úshin ózge aqparat jarııa etýge jatpaıdy»,-delingen habarlamada.