Aqtóbe oblysynda Mamandyrylǵan kúzet qyzmeti basqarmasynyń laýazymdy tulǵalary tutqyndaldy
22:40, 08 Maýsym 2023
AQTÓBE. QazAqparat –Іshki ister mınıstrligine qarasty Aqtóbe oblystyq Mamandyrylǵan kúzet qyzmeti basqarmasynyń laýazymdy qyzmetkerleri qamaýǵa alyndy, dep habarlaıdy QazAqparat Rolisia.kz-ke silteme jasap.
«Aqtóbe oblysynyń Polıtsııa departamenti Ózindik qaýipsizdik basqarmasynyń qyzmetkerlerine aqshalaı qarajatty tóleýdegi zań buzýshylyqtar týraly aqparat kelip tústi.
Osy fakti boıynsha aýdıttik tekseris júrgizildi. Onyń nátıjesimen Mamandyrylǵan kúzet qyzmeti basqarmasynyń qyzmetkerleri ustalyp, ýaqytsha ustaý ızolıatoryna qamaldy.
6 maýsym kúni laýazymdy tulǵalarǵa qatysty QR Qylmystyq kodeksiniń 189-baby 4-bóligi («Senip tapsyrylǵan bótenniń múlkin ıemdený nemese talan-taraj etý») boıynsha sotqa deıingi tergep-tekserý bastaldy. Tergeý jalǵasýda. Qylmystyq isti tergeý aıasyndaǵy ózge aqparat QR Qylmystyq-protsessýaldyq kodeksiniń 201-babyna sáıkes jarııa etýge jatpaıdy», - delingen polıtsııa habarlamasynda.