Aqtóbe oblysynda qurdastaryn sebepsiz uryp-soqqan bir top bala anyqtaldy

AQTÓBE. QazAqparat - Aqtóbe oblysynda qurdastaryn sebepsiz uryp-soqqan bir top bala anyqtaldy, dep habarlaıdy QazAqparat.

Іshki ister mınıstrliginiń málimetinshe, 28 sáýir áleýmettik jelilerdi monıtorıng jurgizý barysynda bir top jastar óz qurdastaryn uryp-soǵyp jatqan beıne belgili bolǵan.

«Polıtsııa qyzmetkerleri osy aqparatty tekserý barysynda Alǵa qalasynda Niva avtokóligimen júrip kele jatqan birneshe kámeletke tolmaǵandar óz qurdastaryn kóshede kezdestirip, olardy sebepsiz uryp-soqqany anyqtaldy», - dep jazdy vedomstvodan.

Oqıǵaǵa qatysýshylar polıtsııa bólimine jetkizildi, onda olarmen jáne ata-analarmen profılaktıkalyq áńgime júrgizildi.

Ustalǵandarǵa qatysty QR QK 293-baby 2-bóligi «Buzaqylyq» boıynsha sotqa deıingi tergeý bastaldy. Ustalǵandardyń biriniń ata-anasyna tıesili kólik arnaıy turaqqa qoıyldy.