Aqtóbe oblysynda Krisha.kz saıtyna jalǵan jarnama berip, eldi aldaǵan alaıaq ustaldy
21:12, 01 Naýryz 2023
ASTANA. QazAqparat - 28 aqpan kúni Aqtóbe oblysy Polıtsııa departamentiniń kıberqylmysqa qarsy is-qımyl bóliminiń qyzmetkerleri jedel-izdestirý is-sharalary kezinde Pavlodar qalasynyń 28 jastaǵy turǵynyn ustady.
Bul týraly QazAqparat Polisia.kz saıtyna silteme jasap habarlaıdy.
Saıttaǵy málimetterge qaraǵanda, kúdikti 2022 jyldyń maýsym aıynan bastap Krisha.kz saıtynda páterdi uzaq merzimge jalǵa berý týraly jalǵan habarlandyrýlar ornalastyrǵan. Páterde jaldamaq bolǵan turǵyndar qolma-qol aqshany aldyn-ala jalǵan abonenttik nómirlerge aýdaryp otyrǵan. Shyǵyn kólemi shamamen 1 mln teńgeni quraıdy.
«Ustalǵan adamnyń ınternettegi alaıaqtyqtyń 5 faktisine qatysy bar ekendigi anyqtaldy»,-delingen habarlamada.