Aqtóbe oblysynda kıberqylmysker ustaldy
Oblystyq Polıtsııa departamentiniń kıberqylmyspen kúres qyzmetkerleri alaıaqty qolǵa túsirdi. Ol onlaın-bankıng arqyly 17 turǵyndy aldap soqqan.
«Sońǵy jyldary ınternet arqyly aldanǵandar qatary artyp keledi. Sonyń ishinde alaıaqtar mıkroqarjy uıymdarynan nesıe alýdy ádetke aınaldyrǵan. Máselen, kúdikti R. 2018 jyldyń qańtar aıynan bastap olx.kz saıtyna qysqa ýaqyt ishinde qaryzǵa aqsha beretinin jazǵan. Sóıtip uıaly baılanys nómirin qaldyrady. 2018 jyldyń aqpany kúni jábirlenýshi A. habarlamany oqyp, 15 mınýt ishinde qaryzǵa aqsha beretin adamǵa telefon shalady. Alaıaq jeke káýligin, mekenjaıy men fotosyn, karta nómirin surap alyp, keıin bes mıkroqarjy uıymynan onyń atyna aqsha alǵan. Buǵan deıin kúdikti 19 ret osyndaı qylmys jasap, jaýapkershilikke tartyldy», - dedi №3 Aqtóbe qalalyq polıtsııa bóliminiń tergeýshisi Seıtjan Dáýletkereı.
Bul is boıynsha Qylmystyq kodekstiń «Alaıaqtyq» baby boıynsha is qozǵaldy.
Aıta keteıik, bıyl oblysta 28 kıberqylmysker ustaldy.
Qazirgi ýaqytta oblystyq Polıtsııa departamenti Koleso.kz saıty arqyly aldanǵan adamdardy izdep jatyr. Kóliktiń qosalqy bólshekterin arzan baǵaǵa «satqan» kúdikti birneshe adamdy san soqtyrǵan. Krımınaldyq polıtsııa basqarmasy kúdiktini ustap, qamaýǵa aldy. Bul fakti boıynsha da «Alaıaqtyq» babymen qylmystyq is qozǵaldy.