Aqtóbe oblysynda IIDMB ekinshi besjyldyǵy aıasynda 14 joba júzege asyryldy

ASTANA. QazAqparat - Aqtóbe oblysynyń ákimi Berdibek Saparbaev Astanadaǵy OKQ-de ótken baspasóz málimdemesinde óńirdegi ındýstrııaly-ınnovatsııalyq damýy memlekettik baǵdarlamasy (IIDMB) jobalarynyń júzege asyrylý barysy týraly habardar etti.

«Ekinshi besjyldyqtyń aıasynda IIDMB aıasynda somasy 127 mlrd teńgeni quraıtyn ınvestıtsııaǵa 1,8 myń jumys ornymen qamtamasyz etetin 16 joba júzege asyrylýda. Olardyń ishinde ınvestıtsııalar kólemi 18,5 mlrd. teńgeni quraıtyn 14 joba iske qosyldy. Myńnan asa jumys orny quryldy», - dedi B.Saparbaev.

Budan basqa, 2017 jyly baǵdarlamadan tys 13,8 mlrd. teńgeni quraıtyn 8 ınvestıtsııalyq joba josparlanǵan, onyń ishinde 6,7 mlrd. teńgeni quraıtyn 4 jobasy iske qosylyp, 265 jumys orny ashyldy.

«Investıtsııalar tartý - Elbasynyń «Qazaqstannyń úshinshi jańǵyrýy: jahandyq básekege qabilettilik» atty joldaýyn iske asyrý jónindegi jumysymyzdyń basymdyqtarynyń biri. Investorlarǵa qolaıly jaǵdaı týdyrý maqsatynda 200 gektar aýmaqty ónerkásiptik aımaq ashyldy. Joba joǵary suranysqa ıe, búgingi kúni Indýstrıaldy aımaq jartylaı tolyqty», - dedi oblys ákimi.

Búgingi tańda ónerkásiptik aımaqta 1,7 myń jumys orny qurylǵan jalpy quny 85 mlrd. teńge bolatyn 13 joba júzege asyrylýda, onyń ishinde Germanııa, Bolgarııa, Shveıtsarııa jáne Túrkııa ınvestorlary qatysqan jobalar bar.