Aqtóbe oblysynda erli-zaıyptydan 1,5 keli mefedron esirtkisi tárkilendi

ASTANA. QazAqparat - Aqtóbe oblysynda erli-zaıyptydan esirtki tárkilendi, – dep habarlaıdy Polisia.kz.

23 jeltoqsanda Aqtóbe qalasy Baqtybaı batyr kóshesi boıynda jedel-izdestirý is-sharalaryn ótkizý kezinde Esirtki qylmysyna qarsy is-qımyl basqarmasynyń qyzmetkerleri otbasylyq jupty ustady.

Ustalǵandardy tekserý kezinde polıtsııa olardan esirtki zattaryn tárkiledi. Ári qaraı turǵylyqty jeri men jalǵa alynǵan garajdy tintý kezinde aq tústi untaq zaty bar polıetılen paketter tabylyp, alyndy. Saraptama qorytyndysy boıynsha alynǵan zattyń salmaǵy 1,5 keli mefedron esirtki zaty ekeni anyqtaldy.

Osy fakti boıynsha QR QK-niń 297-babynyń 3-bóligimen (Esirtki quraldaryn, psıhotroptyq zattardy, olardyń analogtaryn ótkizý maqsatynda zańsyz daıyndaý, óńdeý, satyp alý, saqtaý, tasymaldaý, jóneltý ne ótkizý) sotqa deıingi tergeý bastaldy.

Erli-zaıyptylarǵa múlki tárkilenip, 15 jylǵa deıin bas bostandyǵynan aıyrý jazasy taǵaıyndalýy múmkin.

Foto: polisia.kz