Aqtóbe oblysynda aýyl turǵyny oq jaraqatymen aýrýhanaǵa tústi

AQTÓBE. QazAqparat – Aqtóbe oblysy Shalqar aýdany Móńke bı aýylynda turǵynǵa oq tıip, jaralandy. Qazir qarý qoldanǵan kúndikti ustalyp, ýaqytsha tergeý ızolıatoryna qamaldy, dep habarlaıdy QazAqparat tilshisi.

Aqtóbe oblystyq Polıtsııa departamenti Móńke bı aýylynda bolǵan oqıǵa qatysty tergeý bastalǵanyn aıtty. Alaıda, oqıǵanyń mán-jaıyn naqtylamady.

«Shalqar aýdandyq polıtsııa bólimi QR Qylmystyq kodeksiniń 24- baby 3-bóligi jáne 99-baby 1-bóligimen qylmystyq is tirkedi. Qylmystyq is boıynsha kúdikti adam anyqtalyp, ýaqytsha ustaý ızolıatoryna qamaldy. Qazirgi tańda birqatar saraptama taǵaıyndalyp, sotqa deıingi tergeý júrip jatyr», - dedi oblystyq Polıtsııa departamentiniń baspasóz qyzmetinen.

Al oblystyq Densaýlyq saqtaý basqarmasynyń basshysy Rústem Isaev taratqan aqparatqa súıensek, jaraqat alǵan adam aýdandyq aýrýhanaǵa jetkizilgen. Oq onyń qolyna tıgen. Alǵashqy medıtsınalyq kómek kórsetilgen soń naýqas Aqtóbe qalasyna jetkizildi.