Aqtóbe oblysynda aqbókenderdi áýeden sanaý bastaldy
18:03, 30 Sáýir 2023
AQTÓBE QazAqparat - Qazaqstannyń basqa óńirlerindegideı, Aqtóbe oblysynyń aýmaǵynda kıikterdiń sanyn anyqtaý úshin olardy áýeden zertteý bastaldy, dep habarlaıdy QazAqparat.
Jergilikti ákimdiktiń málimetinshe, áýe esebin «Ohotzooprom» ÓB» RMQK óńirlik fılıalynyń qyzmetkerleri basqa mamandarmen birlesip júrgizedi.
«Bizdiń oblysta Betpaqdala jáne Ústirttegi aqbókenderge avıatsııalyq esep júrgizilýde»,- dep atap ótti «Ohotzooprom» óńirlik fılıalynyń basshysy Bolatbek Laıyqov.
Aıta keteıik, ótken jylǵy áýe esebiniń derekteri boıynsha Ústirt popýlıatsııasyndaǵy aqbókenderdiń sany 28 myńdy, Betpaqdaladaǵy aqbókenderdiń sany 500 myń basty qurady. Sol kezde Aqtóbe oblysynyń aýmaǵynda atalǵan popýlıatsııalardyń 100 myń basy bary anyqtalǵan.