Aqtóbe oblysynda 9 myńnan astam adam Pfizer vaktsınasyn saldyrdy
Aqtóbe oblysyna barlyǵy 1 mıllıonnan astam vaktsına jetkizilse, onyń 557 800 dozasy Spýtnık V vaktsınasy. Júkti áıelder, jasóspirimder men jas analar úshin 158 myńǵa jýyq Pfizer preparaty jetkizildi.
«Qazirgi kezde 43 myńnan astam adam revaktsınatsııadan ótti. Al 9143 adam Pfizer vaktsınasyn saldyrdy. Onyń 5 myńnan astamy jasóspirim, 3 myńǵa jýyǵy bala emizetin ana bolsa, 732-i júkti áıel», - dedi oblystyq Densaýlyq saqtaý basqarmasy basshysynyń orynbasary Aıgúl Amanjolova.
Pfizer vaktsınasyn qabyldaǵan júkti kelinshekter aman-esen bosanyp jatyr. Ózderiniń jáne balalarynyń densaýlyǵy jaqsy.
«Pfizer vaktsınasynyń eki komponentin jeltoqsan aıynda qabyldadym. Vaktsınanyń esh keri áserin baıqamadym. Osy aptada qyzymdy ómirge ákeldim. Ózimniń, sábıimniń densaýlyǵy jaqsy. Júkti kelinshekterge esh qoryqpaı, vaktsına saldyrýǵa keńes beremin. Esh qorqynysh bolmaýy tıis. Qarǵaly qalalyq perzenthanasy bosaný bólimindegi dárigerlerge alǵysymdy aıtamyn», - dedi jas ana Aqerke Shernııazova.
Aıta keteıik, 2021 -2022 oqý jylynda(1 qyrkúıek - 20 qańtary) oblysta barlyǵy 160 mekteptiń 775 synybynda 1 135 oqýshydan koronavırýs ınfektsııasy anyqtaldy. 295 oqýshy kanıkýl kezinde vırýs juqtyryp, aýyrǵan. Sonymen birge 840 bala dástúrli formatta oqyp júrgende COVID-19 juqtyrdy.