Aqtóbe oblysynda 70 bas kıikti atqan kúdiktiler ustaldy
«Aqtóbelik polıtseıler «Jedel izdestirý is-sharalaryn júrgizý barysynda polıtseıler Aqtóbe men Áıteke bı aýdany turǵyndarynyń kıikti zańsyz atý jáne satý aınalymyna qatysy bary týraly aqparat aldy. 10 tamyzda polıtseıler Qarabutaq kentinde kúdiktilermen satyp alýshylar retinde kezdesý uıymdastyrdy«, - deıdi oblystyq Polıtsııa departamenti bastyǵynyń orynbasary Qanat Nurmaǵambetov.
Onyń aıtýynsha, arnaıy qabyldanǵan sharalar nátıjesinde PD qyzmetkerleri buryn sotty bolǵan 4 adamdy ustady. Olardyń ekeýi Áıteke bı aýdanyndaǵy sharýa qojalyqtarynyń basshylary bolyp shyqty.
Kúdiktilerden jalpy salmaǵy 50 keli bolatyn 135 dana múıiz tárkilendi. Sonymen qatar, olardyń biriniń úıin tintý barysynda tirkelmegen myltyq tárkilenip, qoradan soıylǵan eki kıik pen jabaıy qaban tabyldy.
Brakonerler barlyǵy 70 bas kıikti atqan.
Oblystyq PD baspasóz qyzmetiniń habarlaýynsha, Qylmystyq kodekstiń «Ósimdikterdiń nemese janýarlardyń sırek kezdesetin jáne Quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz is júrgizý« baby boıynsha sotqa deıingi tergeý bastaldy.
Aıta keteıik, jyl basynan beri Aqtóbe oblysynda kıikti zańsyz atqan 2 fakti jáne múıizin satý boıynsha 8 derek tirkeldi.