Aqtóbe oblysynda 6 jasar bala sýǵa ketti

AQTÓBE. QazAqparat - Aqtóbeniń Alǵa aýdany, Eset batyr aýylynda qaıǵyly jaǵdaı tirkeldi. 6 jastaǵy bala sýǵa batyp ketti, dep habarlaıdy QazAqparat tilshisi.

Oqıǵa 10 shilde kúni saǵat 16:15-te tirkeldi. Oblystyq TJ departamentiniń kezekshi-dıspetcherlik qyzmetine Alǵa aýdany, Eset batyr aýylyndaǵy qaıǵyly jaǵdaı týraly habarlama tústi.

«2016 jyly týǵan balanyń sýǵa batyp ketkeni jóninde habarlama kelip tústi. Shaqyrtý ornyna qutqarýshylar dereý jetken kezde Eset batyr aýylynan 2 shaqyrym jerdegi Tamdy ózeniniń boıynda balanyń sýǵa túskeni belgili boldy. Ata-ananyń qaraýynsyz qalǵan. Tyıym salynǵan jerge shomylǵan. Nátıjesinde qutqarýshylar 2,5 metr tereńdikten 6 jasar balanyń denesin shyǵardy»,- dep habarlady oblystyq TJD baspasóz qyzmeti.

Aıta keteıik, bıyl Aqtóbede úsh bala sýǵa ketti. Bul qaıǵyly oqıǵa Yrǵyz aýdanynda boldy. Ol kezde balalar bir-birin qutqarmaq bolyp, sýdan shyǵa almaı qaldy.

Aqtóbe oblysynyń TJ departamenti sý aıdyndaryndaǵy qaýipsizdik erejelerin eske saldy.

- Alkogol jáne esirtki tutynyp, mas bolǵan kúı̆de sýǵa túsýge jáne shomylýǵa;

- sýǵa qaı̆yq, kater, aı̆laqtan sekirýge;

- tekserilmegen jáne jabdyqtalmaǵan oryndarda súńgýge;

- júzý sheginen aspaý úshin qoı̆ylǵan belgilerden asyp júzýge;

- tehnıkalyq jáne eskertý belgilerin asyp júzýge;

- balalardyń eresek adamdarsyz sýǵa shomylýyna tyı̆ym salynady.