Aqtóbe oblysynda 5 úı men 25 aýla sý astynda qaldy –arnaıy komıssııa tekserýde
20:00, 21 Naýryz 2023
AQTÓBE. QazAqparat – Arnaıy komıssııa Oıyl aýdanynyń Qaratal aýylyndaǵy sý kirgen úıler men aýla aýmaqtaryn tekserýge kiristi. Bul týraly QazAqparat ákimdikke silteme jasap habarlaıdy.
Aldyn ala málimetter boıynsha, eldimekende 5 úı men 25 aýla sý astynda qalǵan.
Aıta keteıik, oblys aýmaǵynda sý tasqynyna qarsy is-sharalar jalǵasýda: 14-19 naýryz aralyǵynda 475 036 m3 erigen qar sýy soryldy, 29 333 dana qap tóseldi, uzyndyǵy 3600 m jaǵalaýdy nyǵaıtý jumystary júrgizildi, 14 637 m3 ınertti materıal ákelindi, uzyndyǵy 325 metr ýaqytsha bóget salyndy, 593 550 myń tekshe metr qar shyǵaryldy.