Aqtóbe oblysyna suıytylǵan munaı gazynyń qosymsha kólemi bólindi

AQTÓBE. QazAqparat - Energetıka mınıstrligi josparǵa sáıkes, Aqtóbe oblysyna bıylǵy úshinshi toqsanǵa 32 945 tonna suıytylǵan munaı gazyn bóldi, onyń ishinde tamyz aıyna 12 399 tonna, dep habarlaıdy QazAqparat.

Sonymen qatar, osy aıda qosymsha 1 213 tonna suıytylǵan munaı gazyn bólý týraly sheshim qabyldandy.

Aqtóbe oblysynyń energetıka jáne TKSh basqarmasynyń aqparatyna súıensek, 4 tamyzdaǵy jaǵdaı boıynsha 2 295 tonna gaz jóneltildi.

Qazirgi ýaqytta Aqtóbe qalasynyń avtogaz quıý stantsııalarynda suıyltylǵan gazdy bólshek saýdada ótkizý quny 1 lıtr úshin 54 teńgeni, al oblys ortalyǵynan shalǵaı aýdandarda (200 kılometrden astam) 1 lıtr úshin 59 teńgeni quraıdy.

Aqtóbe janarmaı quıý beketterindegi ahýal baqylaýda. Oblys ákimi Eraly Toǵjanovtyń tapsyrmasymen basqarma mamandary 47 avtogaz quıý stantsııasyna bardy. Gaz 36 bekette satylymda boldy.

Qalǵandaryna ónim aldaǵy eki kúnde jetkiziledi.