Aqtóbe oblysy eks-ákiminiń soty: jer telimin tómen baǵada satý joly belgili boldy
Qylmystyq is Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha qaralyp jatyr. Memleketke keltirilgen shyǵynnyń jalpy kólemi – 199,4 mln teńge.
Іs materıalyna súıensek, 2010 jyldyń qyrkúıeginde «Servıs Ýıýta» JShS men «Aqtóbe» ÁKK» AQ arasynda kottedj úlgisindegi turǵyn úıdi salý jónindegi ınvestıtsııalyq joba kelisimshartyna qol qoıylady. Oǵan áleýmettik-kásipkerlik korporatsııasy paıyzsyz 200 mln teńge bóledi. Turǵyn úı qurylysyn júrgizý 2014 jyldyń jeltoqsan aıyna deıin shegerilip, qaryzdy qaıtarý kelisimi 2016 jyldyń jeltoqsanyna bekitilgen. Sóıtip, «Servıs Ýıýta» JShS Blagodarnyı aýylyndaǵy aýdany 23,9 gektar bolatyn jerdi kepilge salady. Bul jerde jeke turǵyn úı salý statýsy bolǵan. Táýelsiz baǵalaýshylar onyń naryqtaǵy baǵasy 219,6 mln teńge dep baǵalady. Degenmen, qurylys júrmedi. Sóıtip sot bolyp, seriktestikten ÁKK-niń paıdasyna 199,4 mln teńge óndirý týraly sheshim shyǵardy.
2019 jyldyń qarasha aıynda taǵaıyndalǵan Ermek Imantaev 2020 jyldyń mamyr aıynda jer satýdy maqsat etedi. Jer teliminiń qunyn tómen túsirip, aldyn ala kelisilgen adamǵa aýdarady. Keıin kópqabatty turǵyn úıge arnalǵan jer telimine aýystyryp, Batys-3 shaǵyn aýdanyna úshinshi adamǵa satady. Imantaev óz maqsatyna jetý úshin óziniń qolastyndaǵy qyzmetkerdi jumsaıdy. Ol buryn Qylmystyq kodekstiń 178-baby boıynsha sottalǵan bas menedjer Medeýbaevpen kelisip, qylmystyq josparymen bólisedi
, - dedi memlekettik aıyptaýshy sotta.
Sot-medıtsınalyq saraptama kezinde qujattardyń qaıta jasalǵany, beımálim adamdardyń qujatqa qol qoıǵany anyqtalǵan.
Aqdáýlet pen Asylovqa qol qoıýdy mindetteıdi. Olar kelispeıdi. Amanov óz úıinde otyryp, hattamaǵa qol qoıady. Keıin Kemalov hattamany rásimdep alady. Al, qol qoımaǵan adamdardyń qoltańdasyn ózge bireýler qoıyp jibergen. Sol kezdegi Aqtóbe qalasy ákiminiń de sheshimi qate bolǵany aıtyldy.
2020 jyly ákimdik Blagodarnyı aýylyndaǵy jerdi, keıin aty ózgergen Sadovaıa-507 mekenjaıyndaǵy aýmaqty Batys-3 shaǵyn aýdanyndaǵy 9,8 ga bolatyn jerge almastyrýǵa bolatyn sheshim shyǵarady. 2021 jyldyń 28 sáýiri kúni Ekonomıkalyq tergeý departamenti sot aldy tergeý bastady. Ermek Imantaev ol kezde qyzmetinen ketti. 2022 jyldyń aqpan aıynda Aqtóbe qalalyq jer qatynastary bólimi barlyq kelisimshartty negizsiz dep tanýǵa sotqa aryz túsiredi. Sot kelisimshartty negizsiz dep tanyp, kúshin joıady. 2022 jyldyń maýsym aıynda Aqtóbe qalasy ákiminiń burynǵy sheshimi óz kúshin joıdy. Sóıtip, 2020-2022 jyldary aralyǵynda Imantaev sol kezde «Aqtóbe» ÁKK» AQ-nyń departament basshysy bolǵan Medeýbaevpen birge 199,4 mln teńge shyǵyn keltirdi
, - dedi memlekettik aıyptaýshy.
Sot otyrysy jalǵasyp jatyr. Aldymen kýágerlerden jaýap alyndy.