Aqtóbe oblystyq veterınarııa basqarmasynyń basshysy taǵaıyndaldy

<p>Aqtóbe oblysynyń veterınarııa basqarmasynyń basshysy qyzmetine Aıbek Sembaı taǵaıyndaldy, dep habarlaıdy Kazinform.</p>

Aqtóbe oblysy ákiminiń baspasóz qyzmetiniń habarlaýynsha, búgin oblystyq veterınarııa basqarmasynyń basshysy taǵaıyndaldy.

Ol 1971 jyly Aqtóbe oblysynyń Shalqar aýdanynda dúnıege kelgen. 1994 jyly Batys Qazaqstan aýylsharýashylyq ýnıversıtetin, 2020 jyly Jáńgir han atyndaǵy Batys Qazaqstan agrarlyq tehnıkalyq ýnıversıtetin támamdaǵan. Eńbek jolyn 1996 jyly Shalqar aýdanynda qarapaıym mal dárigerinen bastap, Shalqar aýdandyq aýmaqtyq ınspektsııasy, Shalqar aýdandyq aýyl sharýashylyǵy bóliminde jetekshi maman, Shalqar aýdandyq veterınarııa bóliminiń bas mamany qyzmetterin atqarǵan.

2013 jyldyń qyrkúıek aıynan bastap Shalqar aýdanynyń aýyl sharýashylyǵy bóliminiń basshysy boldy.