Aqtóbe oblysynyń Quılys aýylynda jaǵalaýdy nyǵaıtý jumystary jalǵasyp jatyr

<p>AQTÓBE. KAZINFORM &ndash;<strong> </strong>Aqtóbe oblysynyń Yrǵyz aýdanyna qarasty Quılys aýylynda jaǵalaýdy nyǵaıtý jumystary áli de júrgizilip jatyr. Bul týraly TJM baspasóz qyzmeti habarlady.&nbsp;</p>

– Quılys aýylynda jaǵalaýdy nyǵaıtý jumystary jalǵasýda. Táýligine 3300 qap tóseldi. Jergilikti jerde QR TJM qutqarýshylar men jj 20982 toby jumys isteıdi, - dep jazdy Tótenshe jaǵdaılar mınıstrliginiń baspasóz qyzmeti. 

Buǵan deıin habarlaǵanymyzdaı, Quılys aýylynda tasqynǵa qarsy kúres jumystary 4 sáýir kúni bastaldy. Sodan beri er adamdar bógetti bekitý jumystaryn júrgizdi. Sondaı-aq Aqtóbedegi Quılys aýylynyń turǵyndary úılerine oralyp jatqanyn jazǵan edik. 

Aıta keteıik, Yrǵyz aýdany boıynsha Mamyrda 15, Belsherde 4, Nurada 68 úı qulady. Aýdanda tasqynnan zardap shekken turǵyndarǵa áli de 100 AEK kóleminde birjolǵy tólem aýdarylyp jatyr.