Aqtóbe oblysynda júrgizýshi uıyqtap jatqanda ury júk kóliginen taýardy urlap ketti

<p>Aqtóbe oblysynda júrgizýshi kabınada uıyqtap jatqanda ury júk kóliginen taýardy urlap ketti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

ІІM baspasóz qyzmetiniń málimetinshe, 10 qarasha túnde belgisiz adamdar esiktiń qulpyn buzý arqyly VOLVO júk kóliginiń tirkemesine kirip, árqaısysy 16 keli bolatyn 23 qoraptaǵy qus etin jasyryn urlap ketken.

Avtokólik Baıǵanın aýdany Noǵaıty aýlynan 1 km qashyqtyqta Astrahan-Aqtóbe avtojolynyń jıeginde turǵan. Júrgizýshi tańerteń oıanǵan kezde ǵana taýardyń joǵalǵanyn bilgen. 

Foto: @POLICE_of_KZ

Polıtsııa qyzmetkerleri osy urlyqty ashý boıynsha is-sharalar júrgizý barysynda Batys Qazaqstan oblysynyń 42 jastaǵy turǵyny basqarǵan VOLSWAGEN SHARAN avtokóligin toqtatty. Kóliktiń salonynda polıtseıler urlanǵan qus etiniń qoraptaryn tárkiledi.

QR QK 188-baby 3-bóligi boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaldy.