Aqtóbe oblysynda júkti áıelderge arnalǵan «Bir kúndik klınıka» jumys isteı bastady

<p>AQTÓBE. KAZINFORM &ndash; Aqtóbe oblystyq perınataldyq ortalyǵynyń bazasynda &laquo;Bir kúndik klınıka&raquo; pılottyq jobasy iske qosyldy, onda júkti áıelder bir kúnde &laquo;bir tereze&raquo; qaǵıdaty boıynsha prenataldyq dıagnostıkanyń barlyq túrlerinen ótip, zertteýlerdiń jyldam ári dál nátıjelerin ala alady.</p>

Birinshi jáne mańyzdy qadam — dárigerge ýaqtyly barý jáne júkti áıeldi júktiliktiń 10 aptasynan keshiktirmeı esepke alý, bul bolashaqta ýaqtyly zerttep-qaraýdy qamtamasyz etedi.

«Perınataldyq dıagnostıkanyń ekinshi qadamy júkti áıeldi baqylaýdy júzege asyratyn dárigerden joldama alý jáne Oblystyq perınataldyq ortalyqtyń Uryqty saqtaý ortalyǵyna barý bolyp tabylady. Munda bir kúnde saraptamalyq klastaǵy apparattarda uryqtyń skrınıngtik ýltradybystyq zertteýi júrgiziledi, sodan keıin hromosomalyq aýytqýlarǵa tekserý úshin qan alý júzege asyrylady», — delingen habarlamada.

Patsıenttiń ómir tarıhy, uryqtyń ýltradybystyq zertteýi jáne bıohımııalyq skrınıng derekterin salystyrý tuqym qýalaıtyn patologııasy bar balanyń týý qaýpin baǵalaýmen nátıje beretin arnaıy zamanaýı kompıýterlik baǵdarlamamen júzege asyrylady. Qaýip joǵary bolǵan jaǵdaıda, júkti áıel sol kúni genetıkten konsýltatsııa ala alady.

Keshendegi jańa tásil yqtımal patologııalardy erte kezeńde anyqtaýǵa jáne bir kúnniń ishinde uryqtyń ómiri men densaýlyǵy úshin eń dál boljamdy alýǵa múmkindik beredi.

Barlyq zerttep-qaraý «Bir kúndik klınıka» jobasynyń sheńberinde múldem tegin júzege asyrylady.

Aqtóbe QR Densaýlyq saqtaý mınıstrliginiń jańa jobasy iske asyrylǵan úshinshi qala boldy.

«Bir kúndik klınıka» Astana jáne Almaty qalalarynda engizildi.