Aqtóbe oblysynda jarty mıllıon teńge bopsalaǵan kúdiktiler ustaldy

<p>ASTANA. KAZINFORM &ndash; Polıtsııaǵa Aqtóbe turǵyny bopsalaý deregi týraly aryzdandy. Tergep-tekserý barysynda aýdandardyń birinde jábirlenýshiniń kóligi buzylǵan kezde oǵan belgisiz adamdar kelip qorqytyp, uryp-soǵý arqyly aqsha talap etkeni anyqtaldy.</p>

Kúdiktiler avtokólikten arnaıy kıimniń 13 jıyntyǵyn alyp ketip, olardy qaıtarý úshin 500 myń teńge talap etken.

«Arnaıy bólimshe jaýyngerleriniń qatysýymen jedel is-sharalardy ótkizý barysynda Aqtóbe oblysy PD Uıymdasqan qylmysqa qarsy kúres basqarmasynyń qyzmetkerleri Hromtaý qalasynyń bes turǵynyn anyqtap, ustady. Zattaı aıǵaqtar tárkilendi», — dep jazdy ІІM baspasóz qyzmetinen.

Bopsalaý faktisi boıynsha sotqa deıingi tergep-tekserý júrgizilýde. Kúdiktilerdiń biri ýaqytsha ustaý ızolıatoryna qamaldy.