Aqtóbe oblysynda tasqynnan zardap shekken 504 otbasy 369 myń teńgeden birjolǵy kómek aldy
«Qazirgi ýaqytta Aqtóbe sý qoımasynyń naqty tolý kólemi — 240 mln tekshe metr nemese 98 paıyz. Búgin tańerteńgi saǵat 10:00–de sýdyń kelýi sekýndyna 9,3 tekshe metr boldy. Al sýdy aǵyzý kólemi — sekýndyna 30 tekshe metr. Qarǵaly sý qoımasynda 269 mln tekshe metr sý bar nemese 96 paıyzǵa toldy. Kelip jatqan sý kólemi — sekýndyna 69 tekshe metr, aǵyzý kólemi — sekýndyna 30 tekshe metr. Sý qoımalaryndaǵy ahýal turaqty ári qater joq. Degenmen, Yrǵyz aýdanyndaǵy Torǵaı ózeni baqylaýda tur. Ózen arnasyna Nura men Mamyr eldi eldi mekenderi taqaý ornalasqan. Bul ózen bastaýyn Qostanaı oblysynan alady. Jedel shtab dambany nyǵaıtý úshin ol jaqqa qosymsha 8 tehnıka jáne 3 myń qum salatyn qap jiberý týraly sheshim qabyldady», — dedi ol ortalyq kommýnıkatsııalar qyzmetindgi brıfıngte.
Ákim orynbasarynyń dereginshe, birjolǵy áleýmettik tólemge qatysty 1 026 qujat qabyldandy.
Onyń ishinde 504 otbasyna 163 mln teńge kóleminde birjolǵy áleýmettik tólem berildi.
Qalǵan 522 otbasynyń qujattary qaralyp jatyr. Bul baǵyttaǵy jumys jalǵasady.
«Sý tasqynynan zardap shekkenderdiń turǵyn úılerin baǵalaý jumystarynyń bastapqy qorytyndylary alynýda. Osyǵan oraı, aýdandarda turǵyndarǵa tólemder jasaý jumystary bastaldy», — dedi Asylbek Esenbaev.