Aqtóbe oblysynda shetel azamatyn pyshaqtaǵan kúdiktiler qolǵa tústi

<p>Aqtóbe oblysynda shetel azamatyna pyshaq jaraqatyn salǵan kúdiktiler qolǵa tústi, dep habarlaıdy QazAqparat <a href="https://polisia.kz/aqtobe-oblysynda-shetel-azamatyna-pyshaq-zharaqatyn-salghan-kudiktiler-qolgha-tusti/" target="_blank" rel="noopener">Polisia.kz</a>-ke silteme jasap.</p>

3 qazanda Baıǵanın aýdany polıtsııa bóliminiń kezekshi bóliminiń “102” telefonyna Volvo FH 440 júk kóliginiń júrgizýshisine belgisiz adamdar pyshaq jaraqatyn salyp, kólikke tıelgen turmystyq tehnıkany ashyq túrde urlap ketkeni týraly habarlama kelip tústi. Oqıǵa ornyna dereý polıtsııa jasaǵy jiberilip, qolǵa túsirý jospary engizildi.

Kelgen polıtsııa jasaǵy eki belgisiz adamnyń júk kóliginiń tirkemesin kesip, 10 dana shańsorǵyshty ashyq túrde urlap, júkti tasymaldaǵan Qyrǵyzstan Respýblıkasynyń azamatyna bir ret pyshaq salǵanyn anyqtady. Jergilikti polıtsııa bóliminiń qyzmetkerleri qabyldanǵan sharalardyń nátıjesinde 29 jáne 30 jastaǵy eki jergilikti turǵyndy ustady.

Kúdiktilerdiń biriniń turǵylyqty jeri men avtokóliginen urlanǵan turmystyq tehnıka tárkilendi. Zardap shekken júrgizýshi aýdandyq aýrýhanaǵa jatqyzyldy.

Qaraqshylyq shabýyl faktisi boıynsha QR QK-niń 192-baby 2-bóligimen (Qaraqshylyq) sotqa deıingi tergeý bastaldy. Ustalǵandardyń biri ýaqytsha ústaý ızolıatoryna qamaldy.