Aqtóbe oblysynda birneshe ret para aldy degen kúdikpen depo bastyǵy ustaldy

<p>ASTANA. KAZINFORM &ndash; Aqtóbe oblysy Jem qalasynda 2,5 mln teńge para aldy kúdikpen lokomotıv deposynyń bastyǵy qamaýǵa alyndy. Bul týraly QR Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti.</p>

«Aqtóbe oblysy boıynsha Sybaılas jemqorlyqqa qarsy qyzmet «Qazaqstan temir joly-Júk tasymaly» JShS «Batys fılıaly Jem paıdalaný lokomotıv deposynyń bastyǵyna qatysty qylmystyq isti tergep jatyr. Ol teplovoz mashınısiniń kómekshisi laýazymyna jumysqa turǵyzý úshin jalpy somasy 2,5 mln teńgege birneshe ret para alý boıynsha kúdikti», - dedi Arman Tileýkenov vedomstvoda ótken baspasóz máslıhatynda.

Resmı ókildiń aıtýynsha, sottyń sanktsııasymen kúdikti qamaýǵa alyndy jáne tergeý jalǵasyp jatyr.