Aqtóbe oblysynda avtojoldar qurylysyn baqylaıtyn tsıfrlyq platforma iske qosyldy
Esterińizge sala keteıik, bıylǵy Joldaýda el Prezıdenti Qasym-Jomart Toqaev óńirlerdegi joldardyń jóndelýin baqylaý úshin platforma qurýdy tapsyrǵan edi.
Aqtóbe oblysy alǵashqylardyń biri bolyp BIRGE PROJECT biregeı elektrondy baqylaý júıesin tanystyrdy, ol avtojoldardy jóndeý men salýdyń barlyq protsesin baqylaýǵa múmkindik beredi.
Tsıfrlyq platformanyń erekshelikteri týraly BIRGE salalyq klasterler qaýymdastyǵynyń basqarma tóraǵasy Arman Evnıev aıtyp berdi.
«Biryńǵaı platformanyń arqasynda jobany ázirleýden bastap nysandy paıdalanýǵa berýge deıingi jóndeý jumystarynyń búkil protsesin baqylaýǵa bolady. Onyń ishinde naqty ýaqyt rejıminde nysannyń ózine barmaı-aq, jóndeý jumystarynyń barysyn onlaın rejiminde kóre alady. ıAǵnı merdiger uıymnyń respýblıkalyq mańyzy bar tas jol bolsyn nemese qaladaǵy jol bóligi bolsyn, joldy qalaı jóndep jatqany kórsetiledi. Platformada jobanyń bıýdjetimen de tanysýǵa bolady», - dep túsindirdi platformaǵa jaýaptylar.
Arman Evnıevtiń aıtýynsha, aldaǵy ýaqytta júzege asyrylyp jatqan jobalarǵa qoǵamdyq baqylaýdy kúsheıtý úshin depýtattar, partııalyqtar, qoǵam qaıratkerleri, belsendiler, BAQ ókilderi tartylmaq.
«Qazir Aqtóbe oblysynda bıýdjet qarajaty esebinen júrgiziletin joldardy jóndeý jáne salýǵa qatysty 112 joba iske asyrylýda. Osy 112 jobanyń barlyǵy júıege engizilgen. Platformaǵa kirip, jumystyń qalaı júrip jatqanyn ruqsat etilgen azamattar kóre alady. Derekterdi júıege merdiger uıymnyń ókili engizedi. Platformada siz merdigerdiń ózi týraly aqparatty, onyń qazirgi ýaqytta qansha joba júrgizip jatqanyn jáne jumysty qanshalyqty oryndaıtynyn bile alasyz. Árbir merdiger uıymnyń reıtıngin birden qoıýǵa bolady», - dedi Arman Evnıev.
Búginde júıege 2025 jylǵa josparlanǵan jobalardy engizý jumystary júrgizilýde. Paıdalanýshylar jobany ázirleý qaı kezeńde iske asyrylyp jatqanymen tanysyp, óz pikirlerin bildire alady. Aıta ketý kerek, tsıfrlyq platformada qazir Aqtóbe oblysyndaǵy barlyq jobalar týraly málimetter kórsetiledi.
Sondaı-aq, onlaın rejıminde qurylys alańyna baryp, jumystar týraly tolyǵyraq bilý múmkindigi bar.
«Halyq jóndeý jumystarynyń merzimderi men sapasyna jıi shaǵymyn aıtady. Osy júıeniń arqasynda biz osyndaı ótinishterge jedel jaýap bere alamyz, merdigerlerdiń jumysyn baqylaı alamyz jáne jumystardy oryndaýdaǵy keshigý men kemshilikterdiń aldyn alamyz. Tsıfrlyq platforma protsesti belsendi baqylaýǵa jáne jóndeýdiń árbir qadamynan habardar bolýǵa septigin tıgizedi», - degen oblys ákimi Ashat Shaharov osy baqylaý júıesiniń artyqshylyqtaryn atap ótti.