Bul týraly agenttiktiń baspasóz qyzmeti habarlady.
Baspasóz qyzmetiniń málimetterine qaraǵanda, uıymdasqan toptyń qatysýshylary jalǵan satyp alý-satý sharttaryn, kólik quraldaryn tekserý týraly jalǵan aktilerdi qoldanyp, «Avtoizdeý» aqparattyq júıesine shyndyqqa sáıkes kelmeıtin málimetter engizý arqyly 77 júk kóligin bastapqy tirkeýden ótkizgen.
Atalǵan zańsyz áreket Aqtóbe, Atyraý jáne Batys Qazaqstan oblystarynyń aýmaǵynda salyq zańnamasynda belgilengen rásimderdi ádeıi aınalyp ótý úshin júrgizilgen.
Bastapqy tirkeý alymdaryn tólemeý saldarynan memleketke kelgen jalpy zalal 740 mıllıon teńgeden asty.
Sot sheshimimen uıymdastyrýshylar qamaýǵa alyndy.
- Sotqa deıingi tergep-tekserý amaldary jalǵasýda.QR QPK-niń 201-babyna sáıkes, tergeý múddesine baılanysty ózge aqparat jarııa etilmeıdi,- delingen habarlamada.
Osyǵan deıin Qarjylyq monıtorıng agenttiginiń ókilettigi keńeıtilgeni týraly jazdyq.