Aqtóbe oblysynda 600 ga jer memleket menshigine qaıtaryldy

<p>ASTANA. KAZINFORM &mdash; Aqtóbe oblysynda 600 ga aýyl sharýashylyǵy maqsatyndaǵy jer memleket menshigine qaıtaryldy. Bul týraly QR AShM málim etti.&nbsp;</p>

Aqtóbe oblysy Jer resýrstaryn basqarý departamenti QR AShM JRBK Martók aýdanyndaǵy sharýa qojalyǵyna qatysty jospardan tys tekserý júrgizdi.

Tekserý nátıjesinde, aýdany 592 ga bolatyn egistikke arnalǵan jer telimi birneshe jyl boıy paıdalanylmaǵany anyqtaldy.

Jer ýchaskesi ıesine zańbuzýshylyqtardy joıý jáne jerdi ıgerý týraly mindetti nusqama berildi. Alaıda, nusqamada kórsetilgen talaptar oryndalmaǵandyqtan, departament Martók aýdandyq soty arqyly sharýashylyqqa 70 AEK kóleminde aıyppul saldy.

Aqtóbe oblysynyń mamandandyrylǵan aýdanaralyq ekonomıkalyq soty departamenttiń jerdi májbúrlep qaıtaryp alý týraly talap-aryzyn qanaǵattandyrdy.

Buǵan deıin habarlanǵandaı, bıyl 2 mln ga paıdalanylmaǵan jer memlekettik menshikke qaıtarylmaq.