Aqtóbe oblysynda 2019 jyly paıdalanýǵa berilgen eki úı apatty dep tanyldy — Prokýratýra

<p>ASTANA. KAZINFORM &mdash; Aqtóbede turǵyn úılerdi sapasyz salý boıynsha qylmystyq is sotqa joldandy. Bul týraly oblys prokýratýrasynyń baspasóz qyzmeti málim etti.&nbsp;</p>

Aqtóbe oblysynyń prokýratýrasy Qylmystyq kodekstiń 190-babynyń 4-bóliginiń 2-tarmaǵy, 278-babynyń 2-bóligi jáne 280-babynyń 1-bóligimen (alaıaqtyq, sapasyz salynǵan qurylys jáne saraptamalyq jumystardy nemese ınjınırıngtik qyzmetter kórsetýdi tıisinshe oryndamaý) sotqa deıingi tergep-tekserýdi aıaqtady.

«2018 jyly Aqtóbe qurylys basqarmasy men «Mashat» JShS-gi arasynda Aqtóbe qalasynda jalpy somasy 337 mıllıon teńgeden astam 24 páterlik eki turǵyn úıdiń qurylysyna kelisimder jasalǵan. Turǵyn úılerdiń qurylysy keıinnen qosalqy merdiger «Agro-Servıs» JShS-ne berilgen», — delingen habarlamada.

Kóppáterli turǵyn úıler 2019 jyldyń qazan aıynda paıdalanýǵa berilgen.

«Alaıda qurylys aıaqtalǵannan keıin úılerdiń irgetasynda ártúrli deformatsııalar (jaryqtar) paıda bolǵan. Mamandardyń qorytyndysyna sáıkes, úıler apatty jaǵdaıda, paıdalanýǵa jaramsyz jáne buzýǵa usynylǵan. Іrgetas beton bloktarynyń tehnıkalyq sıpattamalary GOST talaptaryna sáıkes kelmeıdi. Jınalǵan dáleldemelerdiń negizinde kúdiktilerge qatysty «úıqamaq», sondaı-aq «kepil» túrindegi bultartpaý sharalary tańdaldy», - dep habarlady prokýratýradan.

Qazirgi ýaqytta oblys prokýratýrasymen tórt kúdiktige qatysty qylmystyq is máni boıynsha qaraý úshin, Aqtóbe qalasynyń № 2 sotyna joldandy.